🌱 Еколошката свесност кај младите – време е за акција!

Нашата анализа открива дека многу млади ретко се информираат за состојбата на животната средина, а малкумина знаат како и каде да пријават загадување. Овој јаз во информираноста го ограничува учеството на младите во процесите на одлучување и ги намалува можностите да придонесат кон позитивни промени.

Инфографикот нуди јасна слика за тоа од каде младите најчесто ги добиваат своите информации, кои се клучните пречки за активно вклучување и како образовниот систем влијае врз нивната еколошка свест. Податоците укажуваат дека е потребно:

• подлабоко, практично и континуирано еколошко образование (не само теорија),
• јасни механизми за пријавување проблеми со животната средина,
• подобра медиумска писменост за препознавање дезинформации, особено на социјалните мрежи,
• поголема вклученост на младинските организации како мост меѓу младите, институциите и локалните заедници.

Ова не е само прашање на информирање – туку на овластување: секој млад човек треба да знае каде да пријави проблем, како да учествува во локални иницијативи и на кој начин да придонесе кон почиста и поздрава заедница. 🌍

📥 Погледнете го инфографикот и дознајте повеќе во целосната анализа со нашите препораки овде.

ℹ️ Инфографикот е изработен во рамки на проектот „ЗЗЗ – Заеднички за Зелено Застапување за Заштита на Животната Средина“, поддржан од Владата на Швајцарија преку програмата Цивика Мобилитас, и реализиран од Центар за младински активизам КРИК, Центар за Социјални Иницијативи - Надеж и Здружение на социјални работници на Македонија – ЗСРМ.

Ставовите изразени во оваа публикација се единствена одговорност на авторите и на ниту еден начин не ги одразуваат гледиштата на Владата на Швајцарија, Цивика мобилитас или на организациите што ја спроведуваат.