Колку често младите во Северна Македонија се информираат за животната средина и климатските промени – и што се случува кога таа информираност е случајна, повремена или недоволна?

Оваа студија на случај го става во фокус искуството на млада студентка по новинарство која ја опишува „информациската пустина“ со која се соочуваат многу млади: темата е присутна во јавноста, но ретко се обработува на начин што е јасен, локално релевантен и достапен. Кога информациите најчесто доаѓаат како спонзорирани содржини или кратки видеа на социјални мрежи, се губи контекстот – а со тоа и мотивацијата за подлабоко разбирање и активно учество.

Студијата ја нагласува важноста на развивање навики за самоинформирање од проверени извори, како и улогата што младите (особено оние што се идни медиумски професионалци) можат да ја имаат во креирање содржини што ја објаснуваат реалноста „овде и сега“. Воедно, се потенцира дека информираноста не е цел сама по себе – туку предуслов за конкретна акција: споделување знаење со врсници, вклучување во еко-акции и создавање локални иницијативи што ја прават темата видлива и применлива.

📘 Прочитај ја целосната студија на случај тука.

ℹ️ Студијата е изработена во рамки на проектот „ЗЗЗ – Заеднички за Зелено Застапување за Заштита на Животната Средина“, финансиран од Владата на Швајцарија преку програмата Civica Mobilitas, и реализиран од Центар за младински активизам КРИК, Center for Social Initiatives “Nadez” и Здружение на социјални работници на Македонија – ЗСРМ.

Ставовите изразени во публикацијата се единствена одговорност на авторите и не ги одразуваат ставовите на Владата на Швајцарија, Civica Mobilitas или организациите што ја спроведуваат програмата.