Како изгледа животот на оние кои секојдневно работат со отпадот, а истовремено придонесуваат кон заштита на животната средина?

Втората студија на случај од анализата „Од различност до праведност – еднакви во правото на здрава и одржлива животна средина за сите“ ја отвора темата за отпадот не само како еколошки проблем, туку и како социјално и економско прашање.

Студијата се фокусира на неформалните собирачи на отпад, нивната видливост во системот и предизвиците со кои се соочуваат во секојдневното работење. Таа укажува на:

• недоволното институционално признавање на нивната улога;
• социјалната ранливост и економската несигурност;
• потенцијалот за подобро интегрирање во формалните системи за управување со отпад.

Преку овој пример, студијата отвора поширока дискусија за социјалната правда, инклузивните политики и одржливите решенија, кои истовремено ги земаат предвид и животната средина и луѓето што живеат од неа.

Наместо отпадот да се гледа исклучиво како проблем, оваа студија на случај нè повикува да размислуваме за него како можност за социјална инклузија, достоинствена работа и еколошка одговорност.

📘 Студијата на случај е достапна на четири јазици – македонски, албански, ромски и англиски.

👉 Прочитај ја целосната студија на случај тука

ℹ️ Студијата е изработена во рамки на проектот „ЗЗЗ – Заеднички за Зелено Застапување за Заштита на Животната Средина“, финансиран од Владата на Швајцарија преку програмата Civica Mobilitas, и реализиран од Центар за младински активизам КРИК, Center for Social Initiatives “Nadez” и Здружение на социјални работници на Македонија – ЗСРМ.

Ставовите изразени во публикацијата се единствена одговорност на авторите и не ги одразуваат ставовите на Владата на Швајцарија, Civica Mobilitas или на организациите што ја спроведуваат програмата.