Целта на кампањата беше да ги претстави и објасни клучните термини кои произлегуваат од нашето истражување и програмските насоки на проектот. Овие термини претставуваат основа за разбирање на концептот на зелена социјална и младинска работа и се важни алатки за вклучување на еколошката перспектива во професионалната практика.

Кампањата ги опфати следните термини:

Зелена социјална работа – интегрирање на еколошката компонента во социјалната работа како неопходен елемент за општествена одржливост;

Социјална трансформација – процес на длабоки промени во насока на поправедно и инклузивно општество;

Еко-пријателски практики – секојдневни професионални и лични одлуки кои ја намалуваат штетата врз животната средина;

Цел на еко праксата – постигнување на хармонија помеѓу луѓето и природата преку професионална интервенција;

Еколошка неправда – нерамномерна распределба на еколошките ризици и последици, особено врз ранливите групи;

Климатска правда – концепт кој го поврзува климатското дејствување со човековите права и социјалната еднаквост;

Еко емоции – опсег на чувства предизвикани од свесноста за еколошките закани и промени;

Еко тага – чувство на жалост поради уништување на природата и загубата на биодиверзитетот;

Еко анксиозност – анксиозност и немир предизвикани од очекувањата за идни климатски и еколошки катастрофи;

Еко стрес – психофизички реакции на лицата изложени на континуирани еколошки проблеми;

Еко свест – способност за препознавање и разбирање на влијанието што луѓето го имаат врз екосистемите и обратно.

Со објавување на овие термини, кампањата поттикна размислување, дијалог и критичко разбирање на еколошките теми во социјалната и младинската работа. Информирањето и јакнењето на капацитетите на стручната јавност преку јазик кој ја одразува реалноста, се чекори кон системски промени и создавање на поправедни и поотпорни заедници.

Овие термини немаат само описна функција – тие се алатки за акција, анализа и застапување. Преку нив, ги именуваме предизвиците и ги формулираме решенијата. Јазикот што го користиме го обликува светот што го градиме. Затоа, остануваме посветени на споделување на знаењето што ја води промената.