Иницијативата беше спроведена од Организација ЖЕНА Делчево, со поддршка од менторката Симона Петровска, во соработка со Младинскиот тим – Група за активизам и дебата. Обуката за пермакултура и компостирање ја одржа Фиданчо Христов, лиценциран производител на органска храна.

Што се реализираше?

Активностите опфатија:

- практична работилница за пермакултура и компостирање со 16 учесници;

- демонстрација на процесот на компостирање на органски отпад;

- засадување неколку овошни дрвца со користење органско ѓубриво;

- изработка на младински план за преземање конкретна иницијатива за подигање на јавната свест.

Настанот се одржа во органската градина во Очипала, а во вечерните часови младите, во рамки на дебатниот клуб, изработија план за понатамошни активности и еко-кампања.

Резултати и влијание

Преку иницијативата:

- 16 учесници беа директно вклучени (14 млади на возраст од 15–17 години и 2 лица над 55 години);

- 14 млади стекнаа практично знаење за компостирање и управување со органски отпад;

- беа засадени овошни дрвца со органско ѓубриво;

- се зголеми мотивацијата кај младите за реализација на поширока еко-кампања доколку се обезбедат дополнителни средства;

- се испрати порака за селекција на отпадот и користење на органскиот отпад како природен ресурс.

Во реализацијата беа вклучени и Клубот на дебатери, Младинскиот совет и Здружението на граѓани „Аронија“.

Предизвици и научени лекции

Во текот на реализацијата не беа забележани поголеми предизвици. Процесот покажа дека практичната едукација и директната вклученост на младите во теренски активности имаат најсилно влијание врз нивната еколошка свест и чувство на одговорност.

Оваа иницијатива потврдува дека кога младите добиваат знаење, простор и поддршка, тие стануваат двигатели на одржлива и почиста заедница. 🌱

Активноста е дел од проектот „ЗЗЗ – Заеднички за зелено застапување за заштита на животната средина“, финансиран од Embassy of Switzerland in North Macedonia преку програмата Civica Mobilitas, а реализиран од Центар за младински активизам КРИК, Center for Social Initiatives Nadez и Здружение на социјални работници на Македонија – ЗСРМ.

#CivicaMobilitas #CHinMK