Токму ова го покажа иницијативата „Кружен парк“, реализирана во ООУ „Дедо Иљо Малешевски“ – Берово, која преку заедничка акција ги обедини учениците, наставниците, локалните институции, јавните претпријатија, донаторите и волонтерите околу заедничка цел – создавање поздрава, позелена и попријатна средина за сите.

Иницијативата се реализираше во општина Берово, каде преку партнерство помеѓу ООУ „Дедо Иљо Малешевски“, ЈПКР „Услуга“ – Берово, Општина Берово, локални донатори и волонтери беше уреден и разубавен дел од училишниот двор, создавајќи простор што ќе биде место за дружење, учење и развивање на еколошка свест кај учениците.

🌿 Покрај садењето цвеќиња и расад, учениците од шесто и осмо одделение активно учествуваа во креативни работилници, изработија литературни и ликовни творби и презентации на тема „Влијанието на природата врз животот на луѓето“. На тој начин тие не само што придонесоа за разубавување на училишниот простор, туку стекнаа знаења и вештини за заштита на животната средина и ја препознаа сопствената улога во создавањето одржлива заедница.

🍀 Токму тука се препознава концептот на зелената социјална работа – пристап кој ги поврзува луѓето, заедницата и природата. Наместо животната средина да се гледа само како простор што треба да се заштити, таа станува средство за јакнење на социјалната поврзаност, активното граѓанство, чувството на припадност и заедничката одговорност. Преку вакви активности, младите учат дека секој може да придонесе за позитивни промени, без разлика колку е мала иницијативата.

🤝 Посебна вредност на „Кружен парк“ е меѓуинституционалната соработка. Училиштето, локалната самоуправа, јавното комунално претпријатие, донаторите и волонтерите покажаа дека кога различни чинители работат заедно, се создаваат трајни придобивки и за луѓето и за животната средина.

🌍 Иницијативата покажа дека зелената социјална работа не се состои само од садење дрвја и уредување на просторот, туку од градење свест, поттикнување солидарност и создавање активни граѓани кои ќе се грижат за заедницата во која живеат. Новото зелено катче во училиштето ќе биде траен потсетник дека секоја идеја, кога е поддржана од заедницата, може да прерасне во промена со долгорочно влијание.

💚 Кога институциите, училиштата и граѓаните се обединуваат околу заедничка визија, зелената социјална работа станува двигател на одржливи промени – за подобра животна средина, посилна заедница и подобра иднина за младите.

Иницијативата е дел од проектот „ЗЗЗ – Заеднички за зелено застапување за заштита на животната средина“, поддржан од Владата на Швајцарија преку Civica Mobilitas, во партнерство со ЦМА КРИК, Center for Social Initiatives “Nadez” и Здружение на социјални работници на Македонија.