Токму ова беше во фокусот на иницијативата „Препознај го проблемот, создади решение и преземи иницијатива за почиста локална средина“, која преку интерактивна онлајн обука ги поттикна младите да ги препознаат локалните еколошки предизвици, да креираат иновативни решенија и активно да придонесат кон поодржливи заедници.

Иницијативата беше реализирана во Полошкиот Регион, каде 24 средношколци на возраст од 15 до 18 години од Тетово и Гостивар, како и претставници од Сојузот на средношколци, учествуваа на интерактивна онлајн работилница посветена на младинскиот активизам, заштитата на животната средина и креирањето локални зелени решенија.

🌿 Работејќи во пет тимови, младите ги идентификуваа најзначајните еколошки предизвици во Полошкиот регион – дивите депонии, загадувањето на реките, индустриското загадување, недостигот од зелени површини и несоодветното управување со отпадот. Потоа развија конкретни идеи кои придонесуваат за почиста, поздрава и поодржлива локална средина.

💡 Како резултат на иницијативата беа изработени пет зелени младински решенија, оценувани од мултидисциплинарна комисија составена од социјален работник и еколошки правник. Победничката идеја понуди иновативен пристап преку „Тајни зелени мисии“, „seed bombs“, младински еко-подкаст, едукативна игра „Спаси го градот“, зелени клупи од рециклирани материјали, „Ѕид на зелени идеи“ во училиштата и живи мурали што ја поврзуваат уметноста со природата.

🤝 Иницијативата е пример како зелената младинска работа создава простор младите да учат, да соработуваат и да станат активни носители на промени во своите заедници. Истовремено, преку учество, дијалог и заедничко решавање на локалните проблеми, се зајакнуваат нивните компетенции, чувството на припадност и граѓанската одговорност.

💚 Воедно, иницијативата ги промовира и принципите на зелената социјална работа, која ги поврзува благосостојбата на луѓето со благосостојбата на животната средина. Таа покажува дека еколошките предизвици се и социјални предизвици, а младите, кога добиваат поддршка и можност за учество, можат да бидат клучни чинители во создавањето поотпорни, поинклузивни и поодржливи заедници.

🌍 Преку оваа иницијатива беше потврдено дека зелените промени започнуваат со знаење, соработка и младинска иницијатива – а токму тие се темелите на зелената младинска и зелената социјална работа.

💚 Кога младите создаваат зелени решенија, придобивките ги чувствуваат и луѓето и природата.

🌍 Иницијативата е дел од проектот „ЗЗЗ – Заеднички за зелено застапување за заштита на животната средина“, поддржан од Владата на Швајцарија преку Civica Mobilitas, во партнерство со ЦМА КРИК, Center for Social Initiatives “Nadez” и Здружение на социјални работници на Македонија.