Nisma po zbatohet në komunat Negotinë, Demir Kapi, Rosoman dhe Kavadar, ku përmes partneritetit ndërmjet vetëqeverisjeve lokale, qendrave për punë sociale, ndërmarrjeve publike komunale, shkollave dhe institucioneve të tjera relevante do të krijohet një model për zbatimin praktik të kësaj mase.

Edhe pse puna në dobi të komunitetit është e paraparë me ligj si masë edukative, ajo ende zbatohet rrallë në praktikë. Kjo nismë propozon një qasje të re – pilotimin e saj si një formë e punës sociale të gjelbër, ku aktivitetet jo vetëm që do të kontribuojnë në zhvillimin dhe risocializimin e fëmijës, por do të sjellin edhe përfitime konkrete për mjedisin dhe komunitetin lokal.

Në vend që puna në dobi të komunitetit të kufizohet vetëm në përmbushjen e një detyrimi ligjor, nisma e sheh atë si një mundësi për të përfshirë të rinjtë në aktivitete si rregullimi dhe mirëmbajtja e hapësirave të gjelbra, pyllëzimi, zbukurimi i hapësirave publike, aksionet ekologjike dhe aktivitete të tjera që zhvillojnë njëkohësisht ndjenjën e përgjegjësisë, solidaritetit dhe kujdesit për natyrën.

Në këtë mënyrë, puna sociale e gjelbër merr një dimension praktik – duke lidhur përfshirjen sociale, edukimin dhe risocializimin e fëmijëve me mbrojtjen e mjedisit. Në vend që të shihet vetëm si një formë ndërhyrjeje, puna sociale bëhet nxitëse e ndryshimeve të gjelbra lokale dhe një aktore aktive në ndërtimin e komuniteteve të qëndrueshme.

🤝 Përmes këtij pilotimi do të testohet një model i bashkëpunimit ndërinstitucional, i cili, nëse rezulton i suksesshëm, mund të shërbejë si shembull edhe për komunat e tjera në vend. Qëllimi është të dëshmohet se puna në dobi të komunitetit mund të jetë shumë më tepër sesa një masë ligjore – ajo mund të jetë një praktikë inovative e punës sociale të gjelbër, që njëkohësisht kontribuon në mirëqenien e fëmijëve, komunitetit dhe mjedisit.

📖 Më shumë rreth fillimit të nismës: https://www.facebook.com/share/p/1M3qtuhATK/

🌍 Nisma është pjesë e projektit “ZZZ – Së Bashku për Avokim të Gjelbër për Mbrojtjen e Mjedisit”, i mbështetur nga Qeveria e Zvicrës përmes Civica Mobilitas, në partneritet me Qendrën për Aktivizëm Rinor KRIK, Qendrën për Iniciativa Sociale “Nadezh” dhe Shoqatën e Punonjësve Socialë të Maqedonisë.

💚 Kur puna sociale krijon ndryshime të gjelbra, përfitimet i ndiejnë si njerëzit, ashtu edhe natyra.