Aktivitetet u zhvilluan në Qendrën Rinore “Multi Kulti” dhe përfshinë 34 nxënës të moshës 11 deri në 18 vjeç nga shkollat fillore dhe të mesme.

Ajo që e bëri këtë iniciativë veçanërisht të rëndësishme ishte roli aktiv i nxënësve të shkollave të mesme, të cilët vepruan si liderë të rinj dhe udhëhoqën punën në grupe, duke nxitur diskutim, mendim kritik dhe bashkëpunim.

🌍 Punëtoria e parë: Problemet lokale mjedisore dhe gjurma e karbonit

Punëtoria e parë edukative iu kushtua identifikimit të problemeve lokale mjedisore dhe kuptimit të konceptit carbon footprint (gjurma e karbonit).

Përmes punës interaktive në grupe të vogla, pjesëmarrësit diskutuan për:

ndikimin e zakoneve të përditshme në mjedis,

menaxhimin e përgjegjshëm të mbetjeve,

mundësitë për uljen e gjurmës personale të karbonit.

Një fokus i veçantë iu kushtua riciklimit të shisheve plastike dhe rolit të makinave automatike të Pakomak në zvogëlimin e mbetjeve. Pjesëmarrësit u njohën me llojet e plastikës që mund të riciklohen dhe diskutuan për rëndësinë e selektimit dhe hedhjes së duhur të mbetjeve.

Punëtoria përfundoi me aktivitetin “Rrjeta e jetës”, përmes të cilit u demonstrua në mënyrë praktike ndërlidhja e të gjithë faktorëve në ekosistem dhe se si ndotja e një segmenti mund të ndikojë në të gjithë balancën natyrore.

👕 Punëtoria e dytë: Mbetjet tekstile dhe zgjedhjet e qëndrueshme

Punëtoria e dytë u fokusua në mbetjet tekstile – një temë që po merr gjithnjë e më shumë rëndësi në shoqërinë bashkëkohore.

Përmes skenarëve realë nga përditshmëria (atlete të vjetra, blerja e rrobave të reja), të rinjtë punuan në grupe dhe propozuan zgjidhje ekologjike si ripërdorimi, dhurimi ose riciklimi.

Aktiviteti interaktiv “pajtohem/nuk pajtohem” hapi hapësirë për debat kritik mbi zakonet që ndikojnë në natyrë, ndërsa përmes aktivitetit “carbon sandwich” pjesëmarrësit matën në mënyrë praktike gjurmën e karbonit të një produkti. Punëtoria përfundoi me një diskutim të përbashkët për hapat konkretë që të rinjtë mund të ndërmarrin për të reduktuar mbetjet tekstile.

🎯 Çfarë arritëm?

Iniciativa rezultoi me:

Forcimin e kapaciteteve të 4 liderëve të rinj për realizimin e aktiviteteve të gjelbra dhe edukative.

Rritjen e vetëdijes ekologjike tek 34 të rinj për riciklimin, selektimin dhe menaxhimin e qëndrueshëm të mbetjeve plastike dhe tekstile.

Identifikimin e problemeve lokale mjedisore dhe propozimin e zgjidhjeve praktike nga vetë pjesëmarrësit.

💡 Mësimet e nxjerra

Procesi tregoi se të rinjtë tashmë posedojnë njohuri solide për temat mjedisore dhe zgjidhjet e qëndrueshme, si dhe kanë aftësinë për të identifikuar në mënyrë kritike problemet në komunitetin e tyre. Megjithatë, nevojiten më shumë hapësira për inkurajim, aktivitete praktike dhe mundësi ku ata mund të iniciojnë dhe zbatojnë në mënyrë aktive zgjidhje konkrete.

“Green Rangers” nuk ishte vetëm një seri punëtorish – por një hap drejt krijimit të një gjenerate të re që mendon me përgjegjësi, vepron në nivel lokal dhe kontribuon për një të ardhme më të gjelbër për Kumanovën. 🌿

📌 Deklaratë

Aktiviteti është pjesë e projektit “ZZZ – Së bashku për avokim të gjelbër për mbrojtjen e mjedisit”, i financuar nga Embassy of Switzerland in North Macedonia përmes programit Civica Mobilitas, dhe i zbatuar nga Qendra për Aktivizëm Rinor KRIK, Center for Social Initiatives “Nadez” dhe Shoqata e Punonjësve Socialë të Maqedonisë – ZSRM.