Në periudhën 12–14 dhjetor 2025, në fshatin Lakocerej (Komuna e Ohrit), u realizua iniciativa rinore “Ta gjallërojmë Lakocerejin! Kënd lojërash ekologjik për të gjithë.”, e fokusuar në revitalizimin e këndit të lojërave të lënë pas dore pranë Shtëpisë Multifunksionale dhe krijimin e një hapësire publike të sigurt, të rregulluar dhe gjithëpërfshirëse për sport, rekreacion, shoqërim dhe aktivitete publike.

Iniciativa u zbatua nga Gjoko Juzmeski dhe Igor Josifoski, me përfshirje aktive të të rinjve (16–35 vjeç), vullnetarëve dhe aktorëve lokalë, ndër të cilët: shoqata “Enheleus Lihnid”, Këshilli Lokal Rinor dhe Kuvendi i të Rinjve pranë Komunës së Ohrit, vullnetarë të Kryqit të Kuq, vullnetarë nga Iniciativa Kulturore 5 deri në 12, si dhe banorë dhe kalimtarë të rastësishëm që u bashkuan dhe dhanë mbështetje.

✅ Çfarë u bë?

Përmes punës së përbashkët vullnetare, hapësira dikur jofunksionale u transformua në një vend që mund të përdoret sërish dhe të jetojë me komunitetin. U realizuan aktivitete si:

• pastrimi i hapësirës dhe largimi i mbeturinave;
• vendosja e koshave për mbeturina dhe krijimi i bashkëpunimit me NP “Ohridski Komunalec” për mirëmbajtjen e rregullt të tyre;
• lyerja dhe rregullimi i këndit të lojërave dhe rinovimi i pjesëve të infrastrukturës;
• mbjellja e gjelbërimit dhe rregullimi me materiale eko-të qëndrueshme;
• realizimi i një murali me mesazh të gjelbër, si simbol i përhershëm i kujdesit për natyrën dhe nxitje për vetëdije ekologjike.

🌍 Rezultate dhe ndryshime

Iniciativa kontribuoi në:

• një kënd lojërash të revitalizuar, të sigurt dhe gjithëpërfshirës, të qasshëm për të gjitha gjeneratat;
• përmirësimin e mjedisit lokal jetësor me kushte për mirëmbajtje afatgjatë të hapësirës;
• forcimin e pjesëmarrjes rinore dhe ndjenjës së bashkësisë, përmes bashkëpunimit ndërmjet të rinjve, organizatave dhe banorëve të komunitetit.

⚡ Sfida dhe mësime të nxjerra

Gjatë procesit u shfaqën sfida të lidhura me kushtet e motit, koordinimin e shumë aktorëve dhe logjistikën e punës në një mjedis rural. Këto përvoja theksuan nevojën për planifikim në kohë, fleksibilitet dhe bashkëpunim të fortë lokal si çelës për aksione të suksesshme të përbashkëta.

Kjo iniciativë tregon se kur komuniteti bashkohet rreth kujdesit për hapësirën publike dhe natyrën, krijohen ndryshime të qëndrueshme që frymëzojnë iniciativa të reja ekologjike, solidaritet më të madh dhe pjesëmarrje më aktive qytetare. Lakocerej sot është shembull se veprimet e vogla lokale mund të sjellin një ndryshim të madh të gjelbër. 🌱

Iniciativa është realizuar në kuadër të projektit “ZZZ – Së bashku për avokim të gjelbër për mbrojtjen e mjedisit jetësor”, i financuar nga Qeveria e Zvicrës përmes programit Civica Mobilitas, dhe i zbatuar nga Qendra për Aktivizëm Rinor KRIK, Center for Social Initiatives “Nadez” dhe Shoqata e Punonjësve Socialë të Maqedonisë – ZSRM.