Programi ishte i dedikuar për fëmijë të moshës 6 deri në 14 vjeç nga familje me status të ulët socio-ekonomik dhe fëmijë romë, me qëllim që përmes edukimit joformal të nxitet ndërgjegjësimi i tyre mjedisor, kreativiteti dhe ndjenja e përgjegjësisë ndaj komunitetit.

Të mësuarit përmes kreativitetit dhe praktikës

Katër punëtoritë e krijuara dhe të përshtatura me kujdes u mundësuan fëmijëve të mësojnë në mënyrë interaktive dhe praktike për mbrojtjen dhe përmirësimin e mjedisit jetësor. Temat përfshinë:

* ndotjen dhe riciklimin

* rëndësinë e ujit

* botën bimore

* mbrojtjen e kafshëve

* njohjen me biodiversitetin lokal

Punëtoritë u realizuan me titujt:

“Planet i pastër – Përgjegjësia ime”

“Një pikë ujë për një jetë të re”

“Mbretëria e kafshëve në rrezik”

“Eko-patrulla”

Përmes riciklimit, punimeve kreative, lojës dramatike dhe mini-aksioneve ekologjike, fëmijët jo vetëm që fituan njohuri të reja, por zhvilluan edhe ndërgjegjësim, empati dhe ndjenjë përgjegjësie personale. Ata mësuan se secili prej nesh – pavarësisht moshës – mund të jetë pjesë e ndryshimeve pozitive.

Qasja gjithëpërfshirëse bën diferencën

Me përfshirjen aktive të 10 fëmijëve dhe realizimin e plotë të të gjitha objektivave të parashikuara, programi dëshmoi se qasja gjithëpërfshirëse në edukimin joformal ka ndikim të fuqishëm në zhvillimin personal të fëmijëve dhe në marrëdhënien e tyre me natyrën dhe komunitetin.

Këto punëtori nuk ishin vetëm aktivitete edukative – ato ishin hapësirë për të nxitur vetëbesimin, bashkëpunimin dhe ndjenjën e përkatësisë.

Hapat e vegjël sot – ndryshime të mëdha nesër

Projekti “Fëmijët dinë, fëmijët munden” edhe një herë konfirmoi se kur fëmijëve u jepet mundësia, mbështetja dhe frymëzimi – ata vërtet dinë dhe munden.

Hapat e vegjël që bëjmë sot krijojnë ndryshime më të mëdha dhe më të qëndrueshme nesër. 🌱

Aktiviteti është pjesë e projektit “ZZZ – Së bashku për avokim të gjelbër për mbrojtjen e mjedisit jetësor”, i financuar nga Ambasada e Zvicrës në Maqedoninë e Veriut përmes programit Civica Mobilitas, dhe i realizuar nga Qendra për Aktivizëm Rinor KRIK, Center for Social Initiatives “Nadez” dhe Shoqata e Punonjësve Socialë të Maqedonisë – ZSRM.