Si duket momenti kur një qytetar vendos të mos heshtë përballë një padrejtësie mjedisore?

Studimi i parë i rastit nga analiza “Nga diversiteti drejt drejtësisë – të barabartë në të drejtën për një mjedis të shëndetshëm dhe të qëndrueshëm për të gjithë” ngre pyetjen: ku përfundon përgjegjësia personale dhe ku fillon ajo institucionale?

Studimi trajton temën e raportimit të ndotjes dhe paraqet sfidat reale me të cilat përballen qytetarët, si:

• mungesa e informacionit të mjaftueshëm për mekanizmat ekzistues të raportimit,
• ndjenja e dekurajimit dhe mungesa e besimit në institucione,
• hendeku ndërmjet mundësive ligjore dhe zbatimit të tyre në praktikë.

Përmes këtij studimi rasti hapet një diskutim më i gjerë mbi pjesëmarrjen qytetare, transparencën dhe rolin e institucioneve në mbrojtjen e mjedisit. Në vend që të ofrojë përgjigje të gatshme, studimi ngre pyetje që janë thelbësore për ndërtimin e një shoqërie më të përgjegjshme dhe më gjithëpërfshirëse.

📘 Studimi i rastit është i disponueshëm në katër gjuhë – maqedonisht, shqip, rome dhe anglisht.

👉 Lexoni studimin e plotë të rastit këtu

ℹ️ Studimi është realizuar në kuadër të projektit “ZZZ – Së bashku për Avokim të Gjelbër për Mbrojtjen e Mjedisit Jetësor”, i financuar nga Qeveria e Zvicrës përmes programit Civica Mobilitas, dhe i zbatuar nga Qendra për Aktivizëm Rinor KRIK, Center for Social Initiatives “Nadez” dhe Shoqata e Punëtorëve Social të Maqedonisë – ZSRM.

Qëndrimet e shprehura në këtë publikim janë përgjegjësi e vetme e autorëve dhe në asnjë mënyrë nuk pasqyrojnë qëndrimet e Qeverisë së Zvicrës, Civica Mobilitas apo të organizatave që zbatojnë programin.